Astanada N.Á.Nazarbaevtyń ómiri týraly fılm tegin kórsetiledi

ASTANA. 1 jeltoqsan. QazAqparat - Búgin elordanyń kınoteatrlarynda Qazaqstan Respýblıkasy Tuńǵysh Prezıdenti kúnine oraılastyrylǵan «Meniń balalyq shaǵymnyń aspany» fılmi tegin kórsetiledi, dep habarlady Astana qalasynyń resmı saıty.

«Meniń balalyq shaǵymnyń aspany» fılmi -  N.Á.Nazarbaevtyń balalyq shaǵy men jasóspirim kezi týraly túsirilgen Rústem Ábdirashevtyń biregeı kórkem kartınasy. Fılm «Ońshyldar men solshyldarsyz», «Álemniń epıtsentri», «Eýrazııa kindiginde» kitaptarynyń jelisi boıynsha túsirilip, Memleket basshysynyń naqty ómirindegi oqıǵalardy beıneleıdi.

Fılm  Arman 3D kınoteatrynda («Azııa Park» SOO) saǵat  11.00-de  (orys tilinde) jáne 13.05-te  (qazaq tilinde),  Kınopark-8 3D  kınoteatrynda («Saryarqa» SOO) saǵat  10.30-da  (orys tilinde) jáne 11.30-da  (qazaq tilinde), Arsenal 3D  kınoteatrynda  10.30-da  tegin kórsetiledi.

Eske salaıyq,  27 qarashadan bastap búgingi kúnge deıin  Astana kınoteatrlarynda árbir kıno qoıylar aldynda  Prezıdent týraly, onyń jetistikteri men Astananyń damýy týraly rolıkter kórsetilip keldi.