Astanada «N.A.Nazarbaev - Qazaqstan Respýblıkasynyń Tuńǵysh Prezıdenti» atty dáris ótti
ANA. 22 qarasha. QazAqparat /Jasulan Amanbaıuly/ - Búgin Astanada QR Tuńǵysh Prezıdenti murajaıynda qaladaǵy mektep oqýshylaryna arnalǵan «N.A.Nazarbaev - Qazaqstan Respýblıkasynyń Tuńǵysh Prezıdenti» atty sabaq ótkizildi.
Dáristi elordadaǵy №52 mektep jáne Aqmola oblysynyń Qaraótkel aýylynyń №6 orta mektebiniń oqýshylary men pedagogtary uıymdastyrdy. Oqýshylar ádettegi mektep dárisinen ózgerek, N. Nazarbaevtiń balalyq jáne jasóspirim shaǵynan teatrlandyrylǵan kórinister qoıý arqyly Elbasynyń ómirin, Qazaqstannyń qazirgi zamanǵy tarıhyn tanyp bildi.
Elorda jetkinshekteri sabaq baǵdarlamasyna murajaıdyń pedagogıka ortalyǵynyń qyzmetkerleri eldiń Tuńǵysh Prezıdentiniń týǵan óńirine jasaǵan ǵylymı-zertteý saıahatynyń barysynda jınaqtalǵan materıaldar men Memleket basshysynyń týǵan-týystarynyń, synyptastarynyń, aýyldastarynyń aýzynan alynǵan estelikterin qoldanǵan.
Mekeme dırektorynyń orynbasary Botakóz Qaıypovanyń aıtýynsha, murajaı sabaǵy Qazaqstan Respýblıkasy Táýelsizdiginiń 20 jyldyq mereıtoıyna arnalǵan sharalardyń aıasynda uıymdastyryldy.
«Sabaq arqyly jas jetkinshekter jańa kezeńniń qalyptasýynda, elimizdiń tarıhynda mańyzdy ról atqarǵan birden bir tulǵa Nursultan Nazarbaevtiń jeke ómirimen, onyń otbasy, dostary, jora-joldastary arasyndaǵy qarym-qatynasy týraly bile aldy. Sonymen qatar olar kóriniske ózderiniń jas erekshelikterine saı emotsıonaldy óń berýge tyrysty», deıdi murajaı basshysynyń orynbasary B. Qaıypova.
