Astanada myńnan astam páter apatty úılerdegi turǵyndarǵa beriledi
ASTANA. QazAqparat - Astanada myńnan astam páter apatty úılerdegi turǵyndarǵa beriledi, dep habarlaıdy QazAqparat.
«Bıyl aýdany 189 myń sharshy metrdi quraıtyn 3 284 páterdi tapsyrý josparlanǵan. Sonyń ishinde apatty úılerdiń ıelerin kóshirý maqsatynda 10,2 mlrd. teńgege jalpy aýdany 57,7 myń sharshy metr bolatyn 1 169 páterdi kommýnaldyq menshikke aqysyz negizde berý josparlanǵan», - delingen ákimdik taratqan aqparatta.
Aǵymdaǵy jylǵy 9 aıdyń qorytyndysy boıynsha jalpy aýdany 141,2 myń sharshy metr bolatyn 1 849 páterge eseptelgen 5 turǵyn úı paıdalanýǵa berildi. Tapsyrylǵan úılerdi jalpy aýdanynyń 54 myń sharshy metr bolatyn 1 049 páter apatty úılerdiń turǵyndaryn kóshirý úshin kommýnaldyq menshikke aqysyz negizde beriledi.
«Elorda damý» JShS qala ákimdiginiń bólimshelerimen birlesip, 2016 jyldan beri apatty jaǵdaıdaǵy úılerdi buzý boıynsha pılottyq jobany iske asyrýda. «Elorda damý» JShS pılottyq jobany iske asyrý sheńberinde 5 204 páterden turatyn jalpy aýdany 375 myń sharshy metr 44 turǵyn úıdi paıdalanýǵa tapsyrdy, onyń ishinde jalpy quny 12,6 mlrd. teńgeni quraıtyn 1 638 páter aqysyz negizde kommýnaldyq menshikke beriledi jáne qaıta ınvestıtsııalaýǵa 27 mlrd. teńge baǵyttalady.
