Astanada «Mýzeı túni» aktsııasynda ulttyq sport oıyndarynan jarys ótedi
ASTANA. QazAqparat - 2017 jylǵy 18 mamyrda Qazaqstan Respýblıkasy Ulttyq mýzeıinde Halyqaralyq mýzeı kúnine oraı «Mýzeıdegi tún» aktsııasy ótedi, dep habarlaıdy Ulttyq mýzeıdiń baspasóz qyzmeti.
Shara barysynda tanymdyq baǵyttaǵy taqyryptyq ekskýrsııalar, «Asyq atý», «Arqan tartys», «Qol kúres» syndy sporttyq oıyndar uıymdastyrylyp, bıe baılaý naýqany bastalarda jasalatyn «Qymyzmuryndyq» rásiminen kórinister kórsetiledi. Mýzeı atrıýmynda zergerlik buıymdar men kádesyılar satylymǵa qoıylatyn jármeńke uıymdastyrylady. Fotosýretke túsýge arnalǵan arnaıy zal da jasaqtalady.
«Mýzeıdegi tún» aktsııasy aıasynda Tóregeldi Sharmanov basqaratyn Qazaq taǵamtaný akdemııasy ázirlegen bıe sútinen daıyndalǵan shokoladtyń tanystyrylymy ótedi.
Aktsııa barysynda kelýshilerdiń nazaryna óner juldyzdarynyń qatysýymen ótetin kontserttik baǵdarlama usynylady. Kontsertte Maıra Іlııasova, Jańabaı Ótegen, Indıra Rasylhan, Gúlnur Orazymbetova, Muhametálı Júginisov, Rınat Maltsakov, Shaherızat Seıdahmet qatarly estrada juldyzdary óner kórsetedi
1977 jyly Halyqaralyq mýzeıler keńesiniń Bas konferentsııasynda 18 mamyr - Halyqaralyq mýzeı kúni bolyp bekitilgen. Atalǵan dataǵa oraı 1997 jyly tuńǵysh ret «Mýzeı túni» sharasy Berlın qalasynda ótkizildi.
Ulttyq mýzeı ashylǵaly beri «Mýzeıdegi tún» aktsııasy 3 márte uıymdastyryldy. 2015 jylǵy alǵashqy aktsııaǵa 23 myń adam qatyssa, 2016 jylǵy 18 mamyr kúni Ulttyq mýzeıge 30 myńnan astam adam kelgen. Jyl basynda naýryz merekesine oraı uıymdastyrylǵan «Naýryz - jańǵyrý nyshany» atty aktsııaǵa da astanalyqtar men qala qonaqtary tarapynan qyzyǵýshylyq mol boldy. Merekelik sharalar saǵat 18:00-23:00-de bastalady.
