Astanada muz ústinde qyz qýý oıyny ótti
ASTANA. KAZINFORM — Naýryz toıyn atap ótý, qazaqtyń salt-dástúrin qaıta jańǵyrtý maqsatynda «Alaý» muz aıdynynda Astana qalasynyń Dene shynyqtyrý jáne sport basqarmasyna qarasty № 2 mamandandyrylǵan balalar-jasóspirimder sport mektebiniń uıymdastyrýymen muz ústinde qyz qýý oıyny ótti. Bul týraly elorda ákimdiginiń resmı saıty.
Uıymdastyrýshylar zamanaýı qyz qýýdy osylaısha halyq nazaryna usynyp, dástúr jańǵyrtqysy kelgenin aıtady.
— Búgingi sharanyń erekshe sáti — muz ústinde dástúrli qazaq oıyny — qyz qýý boldy. Bul oıynnyń dástúrimizde tereń tamyry bar ári ony zamanaýı jaǵdaılarǵa saı etip, muz ústinde ótkizý arqyly jas urpaqqa ulttyq mádenıetimizdi tanytýdy maqsat ettik. Biz úshin bul sharanyń mańyzy óte zor, sebebi Naýryz meıramy — jańarýdyń, jańa bastamalardyń belgisi. Osy erekshe sátti jastarǵa usyný arqyly ulttyq sportty jańǵyrtyp, jastarymyzdyń densaýlyǵyn nyǵaıtýǵa atsalysyp otyrmyz. Sondaı-aq, buryn-sońdy konkımen muz ústinde ulttyq kıim kıgen qyz-jigitterimiz mundaı oıyn kórsetken emes, — dep atap ótti ádisker Danııar Qalıev.
Atalǵan mekteptiń ózi qysqy sport túrlerin damytýǵa baǵyttalǵan. Al naýryznama aıasynda uıymdastyrylǵan is-sharalar qatarynda asyq atý, arqan tartý, toǵyzqumalaq qatarly birqansha qazaqtyń sporttyń jarystary kórsetildi.
Buǵan deıin habarlanǵandaı, Pavlodarda qamshy órý óneri jańǵyrdy.