Astanada «MÝZ-TV. Gravıtatsııa» syılyǵynyń jeńimpazdary belgili boldy

«Onjyldyqtyń úzdik oryndaýshysy» ataǵyn ánshi Valerııa aldy.

«Jyl serpini» ataǵyn Egor Creed alsa, «Úzdik hıp-hop joba» atalymy boıynsha reper Djıgan jeńimpaz atandy.

«Úzdik án» atalymy «Tsýnamı» áni úshin Nıýshaǵa berildi. Al Dıma Bılannyń Alien24 kompozıtsııasy «Shet tilindegi úzdik án» atandy. Sondaı-aq ánshi «Úzdik kontserttik shoý» nomınatsııasyn jeńip aldy.

«Úzdik rok-top» nomınatsııasy «Zverı» tobyna, al úzdik «Pop-top» «Serebro» tobyna buıyrdy. «Úzdik dýet» nomınatsııasyn «VIA Gra» men Mott jeńip aldy. Ánshi Emın «Úzdik albom» atalymy boıynsha jeńimaz boldy.

Aıta keteıik, "MýzTV" syılyǵyna tabystaý rásimi alǵash ret Astanada ótýde. Bul shoýdy júz mıllıonnan astam telekórermen "Qazaqstan", "MýzTV" jáne basqa da reseılik federaldy, ulttyq telearnalar arqyly tamashalaıtyn bolady. "MÝZ-TV syılyǵy" - shoý-bıznestegi mańyzdy, aýqymdy jáne bedeldi oqıǵalardyń biri.

Ony 2003 jyldan "Mýz-TV" arnasy uıymdastyryp keledi. Jeńimpazdar kórermenderdiń jáne akademıkterdiń daýys berýi arqyly anyqtalady. "Mýz-TV" syılyǵyn marapattaý sharasyna álemdik deńgeıdegi juldyzdar shaqyrtyldy.