Astanada muz astyna qulaǵan balany kezdeısoq adam qutqaryp qaldy
Áleýmettik jelide Astanada muz astyna qulaǵan jasóspirimdi qutqarý týraly vıdeo paıda boldy. Bala Aq bulaq ózenine batyp kete jazdaǵan, dep habarlaıdy Kazinform agenttigi.
Qalalyq ınternet-paraqsha 2006 jyly týǵan balanyń qutqarylǵany týraly beınerolık jarııalady.
«Kezdeısoq ótken adamdardyń, ásirese osy jigittiń arqasynda bári jaqsy aıaqtaldy. Ol oılanbastan arqandy ózine baılap, qutqarýǵa kómektesti. Balanyń muz astyna qalaı túskeni belgisiz, kýágerlerdiń aıtýynsha, telefonmen sóılesip, muz ústinde júrgen», - dep jazylǵan paraqshada.
Qalalyq TJ departamenti Baıqońyr aýdanynda Amman kóshesi boıyndaǵy Aqbulaq ózeninde bolǵan oqıǵany rastady.
«Qutqarýshylar kelgenshe sýǵa batqan jasóspirimdi kezdeısoq ótip bara jatqan er adam qutqardy. Ol jasóspirimdi sýdan jaǵaǵa shyǵaryp, jedel járdem brıgadasyna tapsyrǵan, onda balaǵa alǵashqy medıtsınalyq kómek kórsetildi. Qazirgi ýaqytta jasóspirim №2 balalar aýrýhanasynda jatyr. Baqytymyzǵa oraı, ol qutqaryldy, biraq qaıǵyly jaǵdaıdan eshkim qorǵalmaǵan», - dep habarlady departament.
Posmotret etý pýblıkatsııý v Instagram
Sonymen birge, departament qarasha men jeltoqsan aılarynda kúzgi muzdyń qaýipti bolatynyn da eskertti.
«Qurmetti turǵyndar, óz qaýipsizdigińiz úshin juqa muzǵa shyǵýǵa tyıym salynǵanyn umytpańyz. Muzda balyq aýlaýdy unatatyndar mindetti túrde qutqarý keýdeshesin kııýi kerek. Qalyńdyǵy keminde 10 santımetr bolatyn muz adamdarǵa qaýipsiz bolyp sanalady. Sý tez aǵatyn jerlerde, aǵyndy sýlarda, sondaı-aq sý ósimdikteri ósetin jerlerde, aǵashtar men qamystyń janynda muz óte álsiz bolady. Eger aýa temperatýrasy 0 gradýstan joǵary bolsa, bul aýa raıy úsh kúnnen artyq saqtalsa, muz beriktigi 25% tómendeıdi. Tótenshe jaǵdaı týyndaǵan jaǵdaıda 112 nómirine qońyraý shalyńyz» - delingen habarlamada.
