Astanada muz áli juqa: Qutqarýshylar eskertý jasady

ASTANA. QazAqparat - Qys kele sala elordanyń sý qoımalaryna muz qatady. Osy ýaqytta onyń betinde júrý óte qaýipti. Alaıda, jyl saıyn kóp adam saqtyq sharalaryn elemeı juqa muzǵa shyǵady, osylaısha óz ómirin qaýipke tigedi, dep habarlaıdy QazAqparat qalalyq TJD-ǵa silteme jasap.

Qalalyq TJD qazir muzdyń qalyńdyǵy 2-4 sm ekenin eske saldy, sondyqtan oǵan shyǵý qaýipti.

Bir adamǵa arnalǵan muzdyń qaýipsiz qalyńdyǵy - keminde 7 sm sanalady, jaıaý ótkelder qalyńdyǵy 15 sm nemese odan da qalyń bolǵan kezde qaýipsiz.

Sý qoımasyndaǵy muzdyń qalyńdyǵy barlyq jerde birdeı emes, ózen saǵasy men salalarynda muz onsha berik emes.

Muz aǵyndy jerde, sý ósimdikteri ósetin jerde jáne jyly sý men káriz aǵyndary tógiletin sý qoımalaryna qatty bolmaıdy.

Qar astyndaǵy muz óte senimsiz.

Muzdyń beriktigin kózben anyqtaýǵa bolady: kók muz – berik; aq bolsa onyń beriktigi 2 ese az; sur, kúńgirt aq nemese sarǵysh muz senimsiz.

Sýyq sýǵa batyp ketseńiz ne isteý kerek?

- Úreılenbeńiz, kenetten qımyl jasamańyz, tynys alýdy turaqtandyryńyz.

- Qolyńyzdy eki jaqqa jaıyp, deneńizge aǵys baǵytynda kóldeneń pozıtsııa berip, muzdyń shetine ilinýge tyrysyńyz.

- Keýdeńizdi muzdyń shetine aqyryn qoıyp kórińiz jáne bir aıaǵyńyzdy, sodan keıin ekinshi aıaǵyńyzdy muzǵa laqtyryńyz.

- Eger muz tótep berse, baıaý jorǵalańyz nemese jaǵaǵa qaraı domalańyz.

- Qaı jaqtan keldińiz sol jaqqa qaraı jyljyńyz, óıtkeni ondaǵy muzdyń beriktigi qazirdiń ózinde tekserilgen.

Eger sizdiń kómegińiz qajet bolsa:

- Qulaǵan adamǵa óte muqııat jaqyndańyz.

- Jábirlenýshige kómekke barǵanyńyzdy aıǵaılap aıtyńyz, bul oǵan kúsh, senimdilik beredi.

- 3-4 metr jerden arqan, polıýs, taqta, sharf nemese kez kelgen basqa qural tastańyz.

- Jábirlenýshige qolyńyzdy sozý qaýipti, óıtkeni oǵan jaqyndaǵan kezde muzǵa túsetin salmaqty arttyryp, onymen qosa qulap ketý qaýpin týdyrasyz.

Osy qaýipsizdik erejeleri ómirińizdi saqtaýǵa kómektesedi.