Astanada musylmandarǵa arnalǵan mobıldik qosymsha paıda boldy

ASTANA. QazAqparat - Astanada musylmandarǵa arnalǵan mobıldik qosymsha paıda boldy, dep habarlaıdy qala ákimdiginiń saıty .

iMuslim Astana - elordadaǵy meshitter men namazhanalardyń meken jaıyn, namaz ýaqytyn, qaı jerde tegin aýyzashar berip jatqany týraly aqparat beretin musylmandarǵa arnalǵan qolaıly mobıldik qosymsha. 

Sondaı-aq, ákimdiktiń Ramazan aıy kezinde usynatyn tegin avtobýstardyń marshrýttary kórsetiledi.

Búgingi kúnnen bastap, iMuslim Astana jobasy Androıd platformasy arqyly jumys isteıtin smartfondarǵa arnalǵan Play market qosymshasynda qoljetimdi. Bir aptadan soń qosymsha iOS úshin App Store-de paıda bolady.