Astanada músindi qorlaǵan jasóspirimderdi «Sergek» kamerasynyń kómegimen ustady
ASTANA. QazAqparat - Astanada jarty jyldyń ishinde "Sergek" kamerasynyń kómegimen 40 myńnan astam qylmys pen ákimshilik quqyq buzýshylyq ashyldy, dep habarlaıdy elorda ákimdiginiń resmı saıty.
Kún saıyn kamera eki júzden astam túrli qylmys pen ákimshilik quqyq buzýshylyqty anyqtaýǵa múmkindik beredi.
Máselen, 24 shilde kúni ІІD jedel basqarý ortalyǵynyń beınebaqylaýymen ınspektor Aǵybaı batyr men Bókeıhan kóshesi aýmaǵyndaǵy jaǵalaý boıynan eki adamnyń ınstallıatsııany teýip jatqany baıqalady. Onyń bireýi kámelet jasyna tolmaǵan, ekinshisi - 22 jastaǵy jigit. Buzaqylar ustaldy. Olarǵa "usaq buzaqylyq" baby boıynsha ákimshilik hattama toltyryldy.
Qysqasy jarty jylda "Sergek" kamerasy jáne beınebaqylaý júıesiniń kómegimen 388 qylmys anyqtaldy:
99 bap boıynsha - 1, tonaý - 24, qaraqshylyq - 3, buzaqylyq - 47, avtokólikpen jarysý - 6, urlyq - 57,basqalary - 250.
Budan basqa, 40 110 ákimshilik quqyq buzýshylyq ashyldy:
JKO buzǵandar - 45, usaqbuzaqylyq - 3487, qoǵamdyq oryndarda ishimdik ishý - 5649, qoǵamdyq oryndarda ózgelerdiń kıligýi - 4639,
basqalary - 26 290.
