Astanada Munaıtpasov kóshesiniń ýchaskesi jóndeý jumysyna baılanysty jabylady
ASTANA. KAZINFORM – Elordada Qajymuqan Munaıtpasov kóshesiniń bir bóligi ýaqytsha jabylady, dep habarlaıdy qala ákimdiginiń resmı saıty.
Astana qalasynyń Kólik jáne jol-kólik ınfraqurylymyn damytý basqarmasynyń málimetinshe, 16-27 tamyz aralyǵynda Táýelsizdik dańǵylynan M. Jumabaev dańǵylyna deıingi ýchaskede ortasha jóndeý jumystary júrgiziledi.
- Osy kezeńde kólik qozǵalysy eki baǵytta bir jaqtan kezeń-kezeńimen uıymdastyrylady. Júrgizýshiler men jaıaý júrginshiler qozǵalys baǵytyn aldyn ala josparlap, yqtımal ózgeristerdi eskergeni jón, - dep jazdy vedomstvodan.
Qaýipsizdikti qamtamasyz etý úshin ýchaskede ýaqytsha jol belgileri men kórsetkishter ornatylady.
Aıta keteıik, buǵan deıin Astanada Egemen Qazaqstan kóshesiniń bir bóligi jabylatyny eskertildi.