Astanada «Munaı jáne gaz. Qazaqstan-2010» ІІ-halyqaralyq kórmesi ashyldy
STANA. Sáýirdiń 20-sy. QazAqparat /Gúlmıra Álıakparova/ - Astanada «Kórme» kórme ortalyǵynda «Munaı jáne gaz. Qazaqstan-2010» ІІ-halyqaralyq kórmesi ashyldy.
«Kórme respýblıkanyń munaı-gaz salasynyń básekege qabilettiligin arttyrý jáne elordanyń ımıdjin jaqsartý maqsatynda ótkizilip otyr», - dedi«QazMunaıGaz» UK» AQ-nyń bıznesti qoldaý jónindegi bas dırektory Serikbek Elshibekov.
S.Elshibekov, qazirgi kúni munaı shyǵaratyn kompanııalardyń satyp alýlarynda qazaqstandyq úlesti arttyrý baǵdarlamasy júzege asyrylyp otyrǵandyqtan, munaı-gaz salasynyń damýy eldiń jalpy áleýmettik-ekonomıkalyq damýyna oń áser etetinin atap ótti.
Ózderiniń ekspozıtsııalaryn Qazaqstan, Reseı, Ulybrıtanııa, Túrkııa, Italııa, Germanııa, Mysyr, Ýkraına, Belarýs, Úndistan, Ózbekstan jáne Túrikmenstan memleketteriniń kompanııalary, sondaı-aq AQSh pen Ulybrıtanııanyń jáne basqa da elderdiń birlesken kásiporyndary usyndy.
