Astanada munara krany qulap, bir adam zardap shekti
ASTANA. QazAqparat - Elordada salynyp jatqan «Capital Park«turǵyn úı kesheniniń qurylys ýchaskesinde munara krany qulady. Bul týraly QazAqparat tilshisiniń saýalyna jaýap bergen TJM Ónerkásiptik qaýipsizdik komıtetiniń baspasóz qyzmetinen málim etti.
Vedomstvonyń aldyn ala aqparaty boıynsha, oqıǵa búgin saǵat 11:20 shamasynda bolǵan.
«BI Group» qurylys kompanııasyna tıesili «Capital Park» turǵyn úı kesheniniń qurylys ýchaskesinde (Esil aýdany, Kereı-Jánibek handar, Buqar Jyraý, № 37 jáne № 38 kósheleriniń qıylysy) munara kranyn montajdaý kezinde erejeler men talaptar saqtalmady. Atap aıtqanda, sektsııaaralyq bekitý burandalary bolmaǵan. Nátıjesinde munara krany jaqyn turǵan avtokrannyń baǵyttaý bóligine qulady. Onda «Andrıýshkın» jeke kásipkerliginiń mashınısi bolǵan. Ol aýrýhanaǵa jatqyzyldy», - dep jaýap berdi komıtettiń baspasóz qyzmetinen tilshi saýalyna oraı.
Qazirgi ýaqytta oqıǵa ornynda TJM Ónerkásiptik qaýipsizdik komıtetine qarasty Astana qalalyq departamentiniń ınspektorlary jumys istep jatyr.
