Astanada múmkindigi shekteýli jandarǵa qoǵamdyq kólikte júrýge jaǵdaı jasaldy
ASTANA. QazAqparat - Astana qalasyndaǵy qoǵamdyq kólikterdiń sapasy artty. Qazir arbada otyratyn jolaýshylardyń ózi avtobýspen emin-erkin júre alady. Ázirge 890 avtobýstyń 262-sinde mundaı qolaıly jaǵdaı bar. Júrgizýshiler men kondýktorlar bolsa, arnaıy oqý kýrsynan ótken, dep jazady astana.kz.
"Biz qaladaǵy avtobýs júrgizýshileri men kondýktorlaryn arnaıy oqý kýrsynan ótkizemiz. Sonyń ishinde arbamen júretin jolaýshylarǵa qolaıly jaǵdaı jasap, olardyń avtobýsqa kirip-shyǵýyna kómektesýleri kerektigi de eskerildi», - dedi Astana qalasy Jolaýshylar tasymaly jáne avtomobıl joldary basqarmasy basshysynyń orynbasary Ábdihamıt Tamabaev .
