Astanada múmkindigi shekteýli jandarǵa arnalǵan bos oryndar jármeńkesi ótedi

ASTANA. QazAqparat - 22 qazanda saǵat 10.00-13.00 aralyǵynda Beıbitshilik kóshesi, 25 mekenjaıy boıynsha Astana qalasynyń Jumyspen qamtý ortalyǵynda múmkindigi shekteýli tulǵalarǵa arnalǵan bos oryndar jármeńkesi ótkiziledi.

Bul týraly elordanyń resmı saıtynan habarlady. Sharanyń maqsaty - múmkindigi shekteýli jandarǵa jumysqa ornalasýǵa kómektesý bolyp tabylady.

Atalmysh sharaǵa elordanyń 20-ǵa jýyq jumys berýshi mekemeleri qatysyp, kúzetshi, esepshi, polıgrafııa mamandary jáne t.b. jumys oryndaryn usynady.

Sondaı-aq, bos oryndar jármeńkesinde «Jumyspen qamtý jol kartasy - 2020» áleýmettik baǵdarlamasy jáne basqa da salalyq memlekettik baǵdarlamalar boıynsha keńester beriledi.

Aıta keteıik, búgingi tańda Astanada 15 myńnan astam múmkindigi shekteýli jandar turyp jatyr.