Astanada múmkindigi shekteýli jandardy jumysqa ornalastyrý máselesi talqylandy

ASTANA. QazAqparat - Búgin elordada qoǵamdyq birlestikterdiń qatysýymen múmkindigi shekteýli jandardy jumysqa ornalastyrý máselesine arnalǵan arnaıy dóńgelek ústel keńesi ótti, dep habarlady astana.kz.

Astana qalasy Jumyspen qamtý jáne áleýmettik baǵdarlamalar basqarmasy basshysynyń orynbasary Olga Demýshkannyń aıtýynsha, jyl basynan beri jumyspen qamtý ortalyǵyna múmkindigi shekteýli 246 azamat ótinish bildirgen. Búginde 122 adam jalaqysy bar qoǵamdyq jumysqa aralassa, 38-i turaqty jumysqa ornalastyryldy. Al, 26-sy áleýmettik jumys oryndary men jastardyń tájirıbe jınaqtaý ortalyqtaryna, qalǵan 23 adam kásibı bilimin jetildirýge jiberildi. Dese de, múmkindigi shekteýli jandardy jumysqa jiberetin salany naqtylaý- áli de ózekti, dedi jıynǵa qatysýshylar. Sebebi, jumys berýshimen udaıy túsindirý jumystaryn júrgizip otyrý qajet. Óıtkeni, olar shyǵyndalyp qalamyz ba dep kúdiktenedi jáne múmkindigi shekteýli jandardyń eńbekke qabilettiligine kúmánmen qaraıdy, delingen habarlamada.