Astanada múmkindigi shekteýli jandar jumysqa tura alady

ASTANA. QazAqparat - Qazirgi ýaqytta Astanada 14 myńnan astam múmkindigi shekteýli jandar tirkelgen. Olardy jumyspen qamtý búgingi kúnniń ózekti máseleleriniń biri bolyp keledi.

Múmkindigi shekteýli jandardyń ómir súrý deńgeıin jaqsartý jáne quqyqtaryn qamtamasyz etý maqsatynda Elordada arnaıy jármeńke uıymdastyrylady. Shara Astana qalasynyń jumyspen qamtý ortalyǵynyń ǵımaratynda (Brýsılovskıı kóshesi, 17/3) 17 qyrkúıek kúni saǵat 10.00-13.00 aralyǵynda ótkiziledi. Bul týraly Astana qalasy ákimi apparatynyń baspasóz qyzmetine Jumyspen qamtý jáne áleýmettik baǵdarlamalar basqarmasynan habarlady.

«Múgedekterdiń qoǵamdyq birlestikteri ókilderiniń habarlaýynsha, olardyń kópshiligi jumys isteýge jáne sol arqyly memleket qazynasyna salyq tóleýge qabiletti. Búgingi tańda áleýetti jumys berýshiler múgedekterdiń kedergisiz eńbek etýi úshin qajetti pandýs, t.b. qajetti qurylǵylardy ornatý sııaqty daıyndyq jumystaryn júrgizýde», - dep jazylǵan habarlamada.