Astanada múmkindigi shekteýli jandar arasynda jarys ótedi
ASTANA. QazAqparat -27 qazanda Astanada múgedektigi bar adamdar arasynda ІІ qalalyq Spartakıadasy jalaýyn kóteredi. Bul týraly QazAqparat qalalyq mádenıet jáne sport basqarmasyna silteme jasap habarlaıdy.
Atalmysh jarys múmkindigi shekteýli jandardyń qajettiligine oraı jabdyqtalǵan bıyl jazda ashylǵan Paralımpıadalyq jattyǵý ortalyǵynda alǵash ret uıymdastyrylmaq. Shara «Astana - rýhy myqty jandar qalasy» baǵdarlamasy aıasynda ótedi.
Spartakıadaǵa 6-dan joǵary jastaǵy nıet bildirgen jandardyń barlyǵy qatysa alady, tirkeý shara ótetin jerde saǵat 9:00-10:00 aralyǵynda ótedi. Tirkelý úshin jeke basty kýálaıtyn qujat, múgedektikti rastaý týraly anyqtama men dárigerdiń ruqsaty qajet. Spatrakıadanyń bastalýy - saǵat 10:00-de, jarys saǵat 16:00-ge deıin ótedi.
Reglament boıynsha jarys kelesi sport túrlerinen uıymdastyrylady:
Ústel tennısi - erler, áıelder jáne arbaǵa tańylǵandar (tirek-qımyl apparaty buzylǵan, estý organdary buzylǵan) arasynda;
Shahmat - erler men áıelder arasynda (tirek-qımyl apparaty buzylǵan, estý organdary buzylǵan, kórý organdary buzylǵan);
Doıby - erler men áıelder arasynda (tirek-qımyl apparaty buzylǵan, estý organdary buzylǵan, kórý organdary buzylǵan);
Toǵyzqumalaq - erler men áıelder arasynda (tirek-qımyl apparaty buzylǵan, estý organdary buzylǵan, kórý organdary buzylǵan);
Paýerlıftıng - erler arasynda (49 kg deıin, 60 kg deıin, 80 kg joǵary) jáne áıelder arasynda (50 kg deıin, 65 kg deıin jáne 80 kg deıin. Tirek-qımyl apparaty buzylǵan);
Otyryp oınaıtyn voleıbol - erler men áıelder arasynda (tirek-qımyl apparaty buzylǵan);
Bochcha - V1 jáne V2 klassıfıkatsııalary boıynsha (tirek-qımyl apparaty buzylǵan);
Golbol - erler men áıelder arasynda (kórý organdary buzylǵan);
Jarysqa qatysý úshin mindetti túrde sporttyq daıyndyqtaryńyz bolýy shart.
Múgedektigi bar jandar arasyndaǵy ІІ qalalyq Spartakıada Astana qalasynyń mádenıet jáne sport basqarmasynyń jáne Astana qalasy ákimdiginiń «Jiger» sport klýbynyń qoldaýymen uıymdastyrylady. Aıta keteıik, búginde Astana qalasy ákimdiginiń «Jiger» sport klýbynda 17 sport túrinen múgedektigi bar 382 sportshy jattyǵady.
Eske salaıyq, ótken jyly І qalalyq Spartakıadada 6 sport túrinen 100-den asa sportshy kúsh synasty.
