Astanada múmkindigi shekteýli jandar arasynda shyǵarmashylyq festıvali ótedi
ASTANA. QazAqparat - 15-16 naýryzda elordada múmkindigi shekteýli jandar arasynda ashyq qalalyq festıval ótedi. «Sheksiz shyǵarmashylyq» baıqaýynda 18 jastan asqandardyń barlyǵy synǵa túsedi, dep habarlaıdy QazAqparat qalalyq Mádenıet jáne sport basqarmasyna silteme jasap.
Festıvalge qatysýǵa ótinimder jeke oryndaýshylardan, ansamblder men ujymdardan qabyldanady.
Bıyl «Sheksiz shyǵarmashylyq» festıvali tórt nomınatsııa boıynsha ótedi. Atap aıtqanda, «Horeografııa» (halyq, klassıkalyq, qazirgi zamanǵy, estradalyq, baldyq bıler), «Estradalyq vokal» (solo, dýetter, trıo, ansamblder), «Ymmen án aıtý», «Kórkem sóz». Ár nomınatsııa boıynsha úsh jeńimpaz anyqtalady.
Baıqaý eki kezeńmen ótedi - 15 naýryzda qatysýshylar tirkeledi, jarysady, al 16 naýryzda Gala-kontsert pen jeńimpazdardy marapattaý saltanaty uıymdastyrylady.
Festıval múmkindigi shekteýli jandardyń áleýmettik belsendiligin arttyrý, talantyn damytý jáne shyǵarmashylyq qyzmetke tartý arqyly olardy ońaltý, sondaı-aq qoǵam nazaryn múgedektigi bar azamattarǵa tolyqqandy ómir súrýge jaǵdaı jasaý qajettiligine aýdarý maqsatynda uıymdastyrylady.
Ótinimder «Jastar» saraıynyń uıymdastyrý-shyǵarmashylyq bóliminde qabyldanady (meken jaıy: Respýblıka dańǵ. 34, 201 kab.) Nemese 326781org@mail.ru elektrondy meken jaıyna joldaýǵa bolady. Anyqtama telefony: 32-67-81. Úmitkerler 10 naýryzǵa deıin ótinim bere alady.
