Astanada múmkindigi shekteýli jandar arasynda konkýrs ótedi
ASTANA. QazAqparat - «Bárimiz birdeımiz - kemsitýdi bilmeımiz» qalalyq konkýrsyna qatysýǵa ótinimder qabyldaý bastaldy. Konkýrsta múmkindigi shekteýli jandar túrli nomınatsııalarda saıysqa túsedi. Oǵan eresekter de, jasóspirimder de, balalar da qatysa alady, dep habarlaıdy elorda ákimdiginiń baspasóz qyzmeti.
Ótinimder qazan aıynyń 10-yna deıin Sh. Imanbaeva kóshesi, 16 (№ 5, 22 kabınetter) meken jaıy boıynsha qabyldanady.
Qalalyq konkýrstyń irikteý týrlary qazan aıynda kelesi nomınatsııalar boıynsha ótedi: «Úzdik sportshy», «Jeńiske degen erki úshin», «Úzdik maman», «Aqyldylar», «Úzdik stýdent», «Úzdik bı», «Úzdik oryndaýshy», «Úzdik jasampaz», «Eń tatý otbasy», «Altyn qaýyrsyn».
- Eger múmkindigi shekteýli jannyń jumysy bolsa, ol alǵys hattar alsa, onda «Úzdik maman» nomınatsııasy boıynsha, shyǵarmashylyqpen aınalysyp, jaqsy jazatyn bolsa, bı bılep, án salatyndar da óz baǵyn synaıdy. Nomınatsııalardyń biri - «Eń tatý otbasy», munda múgedektigi bar adamnyń otbasynyń, týystarynyń tatýlyǵyn kórsetýge bolady, - deıdi Astana qalasynyń Jumyspen qamtý, eńbek jáne áleýmettik qorǵaý basqarmasy JÓB qyzmetin úılestirý jáne arnaıy áleýmettik baǵdarlamalar bóliminiń jetekshisi Ilıa Skýb.
Onyń aıtýynsha, erekshe adamdardyń shyǵarmashylyq áleýetin damytýǵa kóńil bólý qajet. Bul konkýrsqa belsendi túrde qatysa otyryp, astanalyqtar múgedektigi bar basqa adamdarǵa úlgi bolady.
Aıta keteıik, konkýrs 2013 jyldan bastap múmkindigi shekteýli adamdardyń quqyqtaryn qamtamasyz etý jáne ómir súrý sapasyn jaqsartý jónindegi is-sharalar josparyn iske asyrý sheńberinde ótkiziledi.
Tolyq aqparatty 21-62-17, 21-22-61 telefondary boıynsha alýǵa bolady.
