Astanada múmkindigi shekteýli sportshylar arasynda ústel oıyndary festıvali bastaldy
ASTANA. 17 qazan. QazAqparat - Astanada múgedekter arasynda ústel oıyndary festıvali bastaldy. Іs-shara Halyqaralyq múgedekter kúnine oraılastyrylǵan. Bul týraly astana.kz saıtyna elordalyq Týrızm, dene shynyqtyrý jáne sport basqarmasynan habarlady.
Sársenbi kúni «Qarttar men múgedekterge arnalǵan medıtsınalyq-áleýmettik mekeme» MM doıbydan jarys ótti. Oǵan qalanyń úsh aýdanynan 64 adam qatysty, sonyń ishinde 30 sportshy: 16 er jáne 14 áıel.
Vedomstvonyń habarlaýynsha, festıval toǵyzqumalaq jáne shahmat jarystarymen jalǵasady. Sporttyq doda 18 qazanda aıaqtalady.
Eske sala keteıik, jyl saıyn qazan aıynyń ekinshi jeksenbisinde elimizde Múgedekter kúni atap ótiledi. Astana qalasynda mereke aıasynda múmkindigi shekteýli jandardyń muqtajdyqtaryna nazar aýdarý dástúri qalyptasqan.
