Astanada múmkindigi shekteýli balalarǵa arnalǵan biregeı ortalyq ashylady
ASTANA. 6 qyrkúıek. QazAqparat - 8 qyrkúıekte Astanada múmkindigi shekteýli balalarǵa arnalǵan túzetý qyzmetin kórsetetin jańa aqysyz ortalyq óz esigin ashady. Bul týraly elordanyń resmı saıty habarlady.
Ortalyqty «Dara» qaıyrymdylyq qory Astana qalasy ákimdiginiń qoldaýymen uıymdastyryp otyr. Bul jerde búldirshinderge memlekettik kvota negizinde birqatar mamandardyń keshendik kómegin jasalady: logoped, defektolog, psıholog, horeograf, emdik dene shynyqtyrý mamany jáne basqa da qyzmetter.
«Erekshe qajettilikteri bar ár bala 3 aıdan bir jylǵa deıingi arnaıy jattyǵýlar kýrstaryna qatysa alady. Resmı derekterge sáıkes, 2 myńǵa jýyq múgedek bala turatyn Astana qalasy úshin osyndaı ortalyqtyń ashylýy óte mańyzdy»,- deıdi uıymdastyrýshylar.
Ortalyqtyń resmı ataýy - Astana qalasy ákimdiginiń «№1 psıhologııalyq-pedagogıkalyq túzetý kabıneti», №68 mektep aýmaǵynda ornalasqan.
Ákimdik ortalyqty ǵımaratpen jáne mamandardyń jalaqy qorymen qamatamasyz etti. 2005 jyldan beri múgedek jáne jetim balalarǵa kómek kórsetý salasynda qyzmet etetin «Dara» jeke qaıyrymdylyq qory seriktesterdiń kómegimen qajetti demeýshilik kómek kórsetti.
