Astanada múmkindigi shekteýli balalar úshin arnaıy demalys uıymdastyryldy
ASTANA. QazAqparat - Búgin QR «Qyzyl jarty aı» qoǵamy Astana qalasy fılıalynyń uıymdastyrýymen kóp balaly jáne áleýmettik az qamtylǵan otbasylardan shyqqan múmkindigi shekteýli 30 bala «Ekoderevnıa» kesheninde demalady, dep habarlady astana.kz.
Onda balalar úshin ártúrli oıyndar men qyzyqty baıqaýlar ótkizilip, syılyqtar men túrli tátti-dámdiler tartý etiledi. Elordalyq polıtsııa sharanyń qaýipsizdigin qamtamasyz etedi. Sondaı-aq, balalardy oıyn tártibimen tanystyryp, qoǵamdyq oryn men kóshedegi tártip týraly sabaq beredi, delingen habarlamada.
