Astanada múmkindigi shekteýli balalar arasynda «Kókeıimdegi bar álem» festıvali ótti
ASTANA. QazAqparat - Astanada Oqýshylar saraıynda múmkindigi shekteýli balalar men jastar arasynda «Kókeıimdegi bar álem» atty respýblıkalyq shyǵarmashylyq festıvaldiń jeńimpazdary marapattaldy.
Festıvaldi QR Bilim jáne ǵylym mınıstrligi uıymdastyryp otyr. Baıqaý Qazaq handyǵynyń 550 jyldyǵyna, Qazaqstan halqy Assambleıasynyń 20 jyldyǵyna jáne QR Konstıtýtsııasyna 20 jyl tolýyna arnaldy. Festıvaldiń marapattaý rásimine barlyq óńirlerden shamamen 100-den astam bala qatysty.
«Kókeıimdegi bar álem» atty respýblıkalyq shyǵarmashylyq festıval máresine jetti. Búgin osy sharaǵa Qazaqstannyń túkpir-túkpirinen shyǵarmashylyq týyndylaryn alyp kelgen jastar osynda jınalyp otyr. Festıval Qazaq handyǵynyń 550 jyldyǵyna oraılastyrylǵan bolatyn. Mınıstrlik tarapynan Sizderge osy shyǵarmashylyqtaryńyz sónbeı, ary qaraı qanattana bersin, osyndaı úlken alańda bir-birinen sol týyndylaryńdy kórip, boıyndaǵy shyǵarmashylyqtaryńyz ary qaraı órleı bersin degen tilegin jetkizgim keledi. Osy shara arqyly Sizder kóptegen dostar taptyńyzdar. Jas bolsańyzdar da, Otanymyzda bolyp jatqan úlken saıystarǵa qatysyp, ózderińizdiń eńbekterińizdi kórsetip jatsyzdar. Qazaqstannyń bolashaǵy Sizderdiń qoldaryńyzda», - dep atap ótti QR Bilim jáne ǵylym vıtse-mınıstri Esenǵazy Imanǵalıev festıval jeńimpazdaryn marapattaý rásiminde.
Aıta ketý kerek, baıqaý 2 kezeńde - óńirlik jáne respýblıkalyq deńgeıde «Qysqa metrajdy kıno», «Fotosýret», «Grafıkalyq dızaın», «Sándik-qoldanbaly óner» atalymdary boıynsha ótken bolatyn.
Іrikteýge qatysýǵa jas erekshelikterine sáıkes 10-15 jáne 16-26 jas aralyńyndaǵy talanttar shaqyryldy.
Uıymdastyrýshylardyń aıtýynsha, festıvaldiń negizgi maqsaty - múmkindigi shekteýli balalar men jastardyń mádenıet pen óner arqyly áleýmettik beıimdelý protsesin damytýǵa qoldaý kórsetý. Baıqaý múmkindigi shekteýli ballar men jastardy ártúrli óner túrlerimen aınalysýǵa jáne qoǵamnyń mádenı ómirine belsendi tartýǵa baǵyttalǵan. Festıval jańa talanttardy anyqtaýǵa, qatysýshylardyń kásibı sheberlikterin, olardyń ózara qarym-qatynastaryn jetildirýge, shyǵarmashylyqpen belsendi aınalysýyna jaǵdaılar jasaýǵa, jetistikterin kórsetýge jáne tájirıbe almasýǵa arnalǵan.
