Astanada múmkindigi shekteýli azamattardy ońaltýǵa arnalǵan ortalyq salynady
ASTANA. QazAqparat – Elordada múgedektigi bar adamdardy ońaltýǵa arnalǵan 150 oryndyq ortalyq salý josparlanyp otyr. Bul týraly bas shahardyń kommýnıkatsııalar qyzmetinde ótken brıfıngide Astana qalalyq Jumyspen qamtý jáne áleýmettik qorǵaý basqarmasy basshysynyń orynbasary Azamat Ospanov aıtty, dep habarlaıdy QazAqparat tilshisi.
«Qazaqstanda múgedek adamdardyń quqyqtaryn qamtamasyz etý jáne ómir súrý sapasyn jaqsartý jónindegi Ulttyq jospar sheńberinde elordada 150 orynǵa arnalǵan múgedektigi bar adamdarǵa arnalǵan ońaltý ortalyǵyn salý josparlanýda. Sonymen qatar, 1,5 jastan 18 jasqa deıingi múgedektigi bar balalarǵa arnalǵan jartylaı statsıonar jaǵdaıynda 30 tósek-orynǵa arnalǵan shaǵyn úı ashý jumysy júrip jatyr. Buǵan qosa, qalada 100 orynǵa shaqtalǵan psıhonevrologııalyq aýrýlary bar múgedekter úshin fılıal ashý múmkindigi qarastyrylýda», - dep bólisti Azamat Ospanov.
Munymen qatar, brıfıngi barysynda spıker byltyr sal dertimen aýyrǵan 37 elordalyq ońaltýdan keıin aıaqqa turǵanyn málimdedi. Jalpy búgingi tańda elorda aýmaǵynda 5 556 adam arnaýly áleýmettik qyzmettermen qamtylǵan.
