Astanada múmkindigi shekteýli 350 adam jumyspen qamtylmaq
Astana qalasy Jumyspen qamtý jáne áleýmettik baǵdarlamalar basqarmasynyń habarlaýynsha, múmkindigi shekteýli jandardy jumyspen qamtý jáne áleýmettik beıimdeý aıasynda «2015 jyly Astana qalasynyń turǵyndaryn jumyspen qamtý jónindegi keshendi jospar» bekitilgen.
Sondaı-aq «Jumyspen qamtý jol kartasy-2020» memlekettik baǵdarlamasy boıynsha da jumystar júrgizilip jatyr. Sóıtip, aldaǵy ýaqytta múmkindigi shekteýli 350 tulǵa jumyspen qamtylmaq. 100 adamdy kásibı daıyndyq pen qaıta daıarlaý kýrstarynan ótkizý josparlanǵan. Olar tiginshi, shashtaraz, saǵat jóndeýshi, florıst, janarmaı quıý beketteriniń operatory sekildi mamandyqtar boıynsha bilim alady. Basqaramanyń habarlaýynsha, «Jumyspen qamtý týraly» QR zańyna sáıkes, jumys oryndaryna degen kvota júıesi boıynsha Astana qalasynda 120 múmkindigi shekteýli tulǵany jumyspen qamtyp, 95 adamdy ýaqytsha jumysqa ornalastyrý kózdelgen. Bul - aqyly qoǵamdyq jumystar, arnaıy jumys oryndary jáne mektep túlekterine arnalǵan jastar tájirıbesi. Astana qalasynyń Jumyspen qamtý ortalyǵynda 2015 jyldyń 2 aıynyń kórsetkishterine súıensek, múmkindigi shekteýli 75 adam jumys surap ótinish qaldyrǵan, olardyń 47 qazirgi ýaqytta aqyly jumysta eńbek etip júr, turaqty jumysqa 15 múgedek ornalastyryldy. Búgingi tańda «Jumyspen qamtý jol kartasy-2020» memlekettik baǵdarlamasy boıynsha 10 áleýmettik jobany júzege asyrylýda, bul mektepterdi, emhanalardy, áleýmettik nysandardy jóndeý sekildi jobalar. Jalpy, 144 ýaqytsha jumys orynyn qurylmaq, olardyń 22-si múmkindigi shekteýli jandarǵa arnalady. Memlekettik baǵdarlama negizinde bıyl mektep támamdaǵan 500 túlek arnaıy jastar tájirıbesinen ótpek. 2015 jyly Astana qalasynyń ákimdigi jastar tájirıbesine aqsha tóleýge qoldaý kórsetedi. Sondaı-aq bıyl 150 áleýmettik jumys ornyn qurý josparlanǵan. Ústimizdegi jyly Astana qalasynda «Órleý» pılottyq jobasyn júzege asyrý kózdelip otyr, sonyń nátıjesinde az qamtylǵan turǵyndarǵa qarjylaı kómek kórsetilip, jumysqa shaqyrtylatyn bolady jáne olarmen áleýmettik kelisimshart jasalady.