Astanada múmkindigi shekteýli 250 balaǵa áleýmettik qoldaý kórsetildi

ASTANA. 27 tamyz. QazAqparat - Búgin «Jastar» saraıynda «Mektepke jol» baǵdarlamasy aıasynda múmkindigi shekteýli 250 balaǵa rıýkzaktar, mektep jabdyqtary men kıim-keshek taratyldy, dep habarlady Astana qalasynyń resmı saıty.

«Búgingi is-shara 1 qyrkúıekke oraılastyrylyp otyr. Bul zattar múmkindigi shekteýli balalarǵa arnalǵan. Balalarǵa túrli dıagnozdar qoıylǵan, sonyń ishinde nashar estıtinder, kózi kórmeıtinder, sal aýrýyna, Daýn sındromyna shaldyqqandar, úıde oqıtyndar jáne mektepke baratyndary da bar. Olardyń jasy 3 jastan joǵary», - dedi astana.kz saıtyna Astana qalasynyń múgedek balalar qoǵamy tóraǵasynyń orynbasary Aıgúl Bolatova.

Uıymdastyrýshylardyń atap ótýinshe, mundaı aktsııa Astanada jyl saıyn ótkiziledi.

Іs-sharanyń negizgi maqsaty - múmkindigi shekteýli balalardy tárbıelep otyrǵan otbasylardy qoldaý. Búgin balalarǵa kıim-keshek pen aıaq kıim, keńse zattary túrinde áleýmettik kómek kórsetildi.