Astanada múlikti qasaqana búldirgen 20 adam jaýapqa tartyldy
ASTANA. KAZINFORM — Astanada jyl basynan bótenniń múlkin qasaqana joıǵany nemese búldirgeni úshin 20 adam ákimshilik jaýapkershilikke tartylyp, onyń ishinde 13 adam qamaýǵa alyndy, 7 adamǵa jalpy somasy 1,3 mln teńge aıyppul salyndy.
Mysaly, astanalyq turǵyn aǵymdaǵy jyldyń 14 aqpanynda bala arbasyn qasaqana zaqymdaǵany úshin sotpen 20 táýlikke qamaqqa alynyp, ol óz áreketimen 30 myń teńgege shyǵyn keltirdi.
Basqa jaǵdaıda 44 jastaǵy er adam mas kúıinde kafe esiginiń áınegin syndyrǵan. Ol 5 táýlikke qamaldy.
Uqsas jaǵdaı 11 qańtarda, astanalyq 21 jastaǵy azamatsha «Toyota» avtokóliginiń aldyńǵy esigin qasaqana zaqymdaǵan. Oǵan 50 AEK mólsherinde aıyppul salyndy.
— Prokýratýra elorda turǵyndary men qonaqtaryn qoǵamdyq oryndarda usaq buzaqylyq jáne aınalasyndaǵylarǵa syılamaýshylyqty bildiretin, qoǵamdyq tártip pen azamattardyń tynyshtyǵyn buzatyn basqa da osyndaı zańsyz áreketteri úshin 30 táýlikke deıingi merzimge ákimshilik qamaqqa alý túrindegi jazaǵa tartylatynyn eskertedi, — delingen habarlamada.
Aıta kektelik Astanada vandalızm jasaǵany úshin shamamen 3 myń adam jaýapqa tartylǵan edi.