Astanada Muqaǵalı Maqataev atyndaǵy qalalyq baıqaýdyń jeńimpazy anyqtaldy
ASTANA. QazAqparat - «Qazaqtyń qara óleńine shapan jaýyp qaıtarǵan» aqıyq aqyn Muqaǵalı Maqataevtyń murasyn nasıhattap, jas aqyndardyń shyǵarmashylyǵyn shyńdaý maqsatynda Astanada alǵash ret «Poezııa, menimen egiz be ediń?!» atty qalalyq baıqaý ótti, dep jazady elorda ákimdiginiń resmı saıtynda.
Baıqaýǵa 20-30 jas aralyǵyndaǵy 40 aqyn qatysty. Sonyń ishinde jeteýi aqtyq márege shyqty. «Jalpy, óleń degen jeńil dúnıe emes. Óte jaýapkershilikpen qaraý kerek. Oqyǵan óleńim bul baıqaýǵa dep shyqpaǵan edi. Farıza apamyzdyń rýhy buǵan syn artpas dep oılaımyn. Óıtkeni qasynda bolǵan, kórgen apamyz. Aq batasyn bergen. Muqaǵalı aǵamyz ben Farıza apamyzdyń ónerdegi jalǵasy bolyp, týyn qulatpaýǵa tyrysamyz», - deıdi baıqaý jeńimpazy Juldyzaı Ysqaq.
Baıqaýdyń alǵashqy kezeńinde aqyndar Muqaǵalıdyń ómiri men shyǵarmashylyǵyna arnaǵan óz óleńderin oqydy. Kelesi bólimde týǵan til taqyrybyn ózek etip, ana tildiń qudyretin tilge tıek etti. Baıqaý Muqaǵalı Maqataevtyń óleńine jazylǵan ándi oryndaýmen, onyń kúndeliginen syr shertýmen qorytyndylandy. Baq synaǵan jas aqynnyń barlyǵy baǵaly syılyqtarmen, dıplomdarmen marapattaldy. Al, I-oryndy jeńip alǵan Juldyzaı Ysqaq respýblıkalyq baıqaýǵa joldama aldy.
