Astanada múgedekterdiń atyna zańsyz avtonesıeler rásimdegen qylmystyq top ustaldy

ASTANA. KAZINFORM – Astanada jumyssyzdar men múmkindigi shekteýli azamattardyń atynan zańsyz avtonesıeler rásimdegen uıymdasqan qylmystyq toptyń áreketi áshkerelendi. Bul týraly qalalyq prokýratýra málimdedi.

Tergeý barysynda alaıaqtar azamattardy ártúrli tásildermen kóndirip, ekinshi deńgeıli bankterde shyn máninde joq avtokólikterge nesıe rásimdegeni anyqtaldy. Qylmystyq toptyń zańsyz áreketinen 65 adam zardap shekken, keltirilgen materıaldyq shyǵyn kólemi 250 mıllıon teńgeden asty.

Prokýratýra málimetinshe, alynǵan qarajatty qaskúnemder jeke qajetine jumsaǵan, al jábirlenýshiler nesıelik mindettemeler boıynsha qaryzǵa batqan.

Atalǵan derek boıynsha QR Qylmystyq kodeksiniń:

• 262-baby – uıymdasqan topty qurý jáne oǵan qatysý,

• 190-baby – alaıaqtyq
  boıynsha sotqa deıingi tergep-tekserý júrgizildi.

Qazirgi ýaqytta kúdiktiler qamaýǵa alynyp, is sotqa joldandy.

Aıta keteıik, Astanada Perızat Qaırattyń soty bastaldy.