Astanada múgedek balalarǵa arnalǵan jańajyldyq mereke ótti
ANA. 30 jeltoqsan. QazAqparat /Jasulan Amanbaıuly/ - Búgin Astanadaǵy «Han Shatyr» kesheninde múgedek balalarǵa arnalǵan jańajyldyq shyrsha merekesi uıymdastyryldy.
Qazirgi kezde Astanada 13 200 múgedek jandar turady, sonyń bir jarym myńnan astamy - balalar. Astana qalasynyń múgedek balalar qoǵamy uıymdastyrýymen ótip jatqan búgingi sharaǵa 100-den astam qamkóńil balǵyn men olardyń ata-analary keldi. Múgedek balalar qoǵamy jylda jańa jyl merekesi qarsańynda bul balalardy qamqorlyqtan tys qaldyrmaı, ózderiniń tarapynan tartý-taralǵylar tapsyrýdy dástúrge aınaldyrǵan.
«Biz 24 jeltoqsannan bastap elordada 500-ge tarta múgedek balany qamtıtyn birneshe jańajyldyq merekeler uıymdastyrdyq. Búgingi sharaǵa mektep ınternatynda nemese emhanalardyń qaramaǵyna kirmeıtin, úıde bilim alyp, úıde emdeletin balalar shyqyryldy»,-deıdi Astana qalasynyń múgedek balalar qoǵamynyń úılestirýshi mamany Aıgúl Bolatova.
