Astanada muǵalimder men dárigerler memlekettik nagradalarmen marapattaldy

ASTANA. QazAqparat - Astana qalasynyń ákimi Altaı Kólginov Instagram paraqshasynda sala mamandary memlekettik nagradalarmen marapattalǵanyn málim etti, dep habarlaıdy elorda ákimdiginiń resmı saıty.

Qala basshysynyń jazýynsha, Respýblıka kúni qarsańynda turǵyndarǵa «Parasat», «Qurmet», ІІІ dárejeli «Eńbek Dańqy» ordenderi, «Qazaqstannyń Eńbek sińirgen qaıratkeri» ataǵy, «Ereń eńbegi úshin», «Shapaǵat» medaldary, QR Qurmet gramotalary tabystalǵan.

««Qurmet» ordenimen pedagogter, dárigerler, mádenıet qaıratkerleri marapattaldy. Olardyń qatarynda hırýrg-dáriger V.Son bar, aqhalatty maman búginge deıin júzdegen adamnyń ómirin aman alyp qalǵan.

ІІІ dárejeli «Eńbek Dańqy» ordenimen «Astana-Energııa» mashınısi Q.Aýpenov, «Astana-Teplotranzıt» slesari B. Jumadilov, avtopark júrgizýshisi Q.Qultaev jáne t.b. marapattaldy.

«Eren eńbegi úshin» medalimen «№5 gımnazııa» KMM muǵalimi L. Assalaýova, konkımen júgirý sportynyń aǵa jattyqtyrýshysy V. Kostın, medıtsına qyzmetkerleri jáne t.b. marapattaldy» delingen habarlamada.

Foto : gov.kz