Astanada Muǵalimder kúni qurmetine dástúrli túrde páter kiltteri tapsyrylady
ASTANA. 3 qazan. QazAqparat - Dástúr boıynsha qazan aıynyń alǵashqy jeksenbisinde jer jahandaǵy eń izgi mamandyqtyń ókilderi - ustazdardy qurmetteý qalyptasyp ketken.
Astanada Muǵalimder kúnine arnalǵan saltanatty is-sharalar 4 qazan kúni ótedi. Osy kúni saǵat 14.00-de qala ákimdiginde elorda basshysynyń granttary tabys etilse, merekege arnalǵan saltanatty is-shara saǵat 16.00-de Kongress-Holl saraıynda ótedi.
Eske salaıyq, Astana ákiminiń ókimimen 2008 jyly «Jyldyń eń úzdik mektebi» jyl saıynǵy baıqaýy bekitildi. 2011-2012 oqý jylynyń qorytyndysy boıynsha «Jyldyń eń úzdik mektebi-2012» baıqaýynyń jeńimpazy №50 mektep-lıtseı atandy. Olarǵa aýyspaly kýbok pen Astana qalasy ákiminiń granttary tabys etiledi. Al eń úzdik 10 pedagogtyń jalaqysyna turaqty túrde 50 paıyz ústeme qosylyp otyratyn bolady.
Bas qalada «eń úzdik ustaz» baıqaýy da dástúrge aınaldy, oǵan bıyl qala mektepteriniń 28 oqytýshysy qatysty.
Sondaı-aq qalyptasqan dástúr boıynsha Muǵalimder kúnin merekeleý aıasynda qala ákimdiginiń pedagogtarǵa erekshe qamqorlyǵy páter kiltterin tapsyrý bolyp tabylady.
