Astanada mototsıkl júrgizýshisi mashınaǵa soǵylyp, 50 metr jerge ushyp ketti
ASTANA. QazAqparat - Búgin saǵat 10:00-de Abaı dańǵyly men Egemen Qazaqstan kósheleriniń qıylysynda jeńil kólik jáne mototsıkldiń qatysýymen jol-kólik apaty oryn aldy.
Kýágerlerdiń sózine qaraǵanda, avtomobıl júrgizýshisi Egemen Qazaqstan kóshesiniń boıymen Abaı dańǵylyna baǵytynda júrip bara jatqan. Eki kósheniń qıylysynda oǵan mototsıkl kelip soǵyldy. Qatty soqqynyń saldarynan kólik qatty maıysyp qaldy. Al mototsıkl 50 metr jerge deıin ushyp ketti.
Mototsıkl júrgizýshisi aýyr halde aýrýhanaǵa jetkizildi.
Búginde barlyq tıisti saraptamalar jasalýda.
