Astanada mobıldi toptar kompıýter oıyndaryna qumarlardy anyqtady
NUR-SULTAN. QazAqparat – Nur-Sultannyń mobıldi toptary karantındik shekteýlerge qaramastan, túnde kompıýter klýbtaryna baratyndardy anyqtady, dep habarlaıdy QazAqparat qalalyq Polıtsııa departamentine silteme jasap.
Elordada Taýarlar men qyzmet kórsetýlerdiń sapasyn jáne qaýipsizdigin baqylaý basqarmasynyń ókilderinen, ákimdik qyzmetkerlerinen, eriktiler men polıtseılerden quralǵan monıtorıngilik top kún saıyn reıdtik sharalar júrgizedi.
Astanalyqtar qoldanystaǵy qaýlyda kórsetilgen eskertý sharalaryn saqtamaı, oıyn-saýyq mekemelerine, kompıýter klýbtaryna barýdy toqtatar emes.
Máselen, mobıldi top saǵat 23.20-da jumys istep turǵan «Sonık» kompıýter klýbyn anyqtady. Іshinde 15 adam bolǵan.
Sondaı-aq, túngi saǵat 02.21-de «Maýs» kompıýter klýbyna vırtýaldyq oıynǵa qumar 30 adam jınalǵany áshkere boldy. Kelýshiler áleýmettik qashyqtyqty jáne sanıtarlyq normalardy saqtamaǵan.
«Karantın rejımin buzýshylarǵa qatysty jınalǵan materıal QR ÁQBtK-niń 425-babymen ákimshilik jaýapkershilikke tartý úshin Taýarlar men qyzmet kórsetýlerdiń sapasyn jáne qaýipsizdigin baqylaý basqarmasyna joldandy», - delingen aqparatta.
Nur-Sultan qalasynyń Polıtsııa departamenti karantın rejımin buzǵandar qoldanystaǵy zańǵa sáıkes jaýapqa tartylatynyn eskertti.
