Astanada MMA aralas jekpe-jekten Azııa chempıonaty men M-1 challenge 48 «Battle of Nomads» kásibı týrnıri ótedi
ASTANA. QazAqparat - Mamyrdyń 22-24 kúnderi Astanada MMA aralas jekpe-jekten Azııa chempıonaty men M-1 challenge 48 "Battle of Nomads" kásibı týrnıri ótkiziledi. Azııa birinshiliginiń aqtyq synyn Dúnıejúzilik MMA qaýymdastyǵynyń qurmetti prezıdenti Fedor Emelıanenko tamashalaýǵa keledi dep kútilýde.
Jarysqa Qazaqstan, Ońtústik Koreıa, Ózbekstan, Tájikstan, Qyrǵyzstan, Reseı, Ázerbaıjan, Iran elderiniń apaıtós sportshylary qatyspaq.
Djıý-djıtsý federatsııasy men Qazaqstannyń MMA prezıdenti Anatolıı Kımniń aıtýynsha, M-1 jarysynda Qazaqstannyń namysyn tórt sportshy qorǵaıdy. Atap óter bolsaq, MMA Qazaqstan sambo men pankratıonnyń chempıony, MMA álem kýboginiń ıegeri Rashıd Dagaev, Nurjan Shaıhın, Sambodan Qazaqstan chempıony Jumageldi Jalǵasuly, Ýshý-sandannan Azııa chempıony Asıf Tagıev rıngke shyǵady.
Qazirgi ýaqytta Ulttyq qurama Qazaqstan eńbek sińgen bapkeri Baıan Janǵalovtyń jetekshiligimen oqý-jattyǵý jıyndaryna qatysýda.
