Astanada MMA Aralas jekpe-jek aıqasyna arnalǵan Birinshi Qazaqstan chempıonatyna 120 sportshy qatysady
ASTANA. 23 tamyz. QazAqparat - Astanada MMA Aralas jekpe-jek aıqasyna arnalǵan Birinshi Qazaqstan chempıonatyna 120 sportshy qatysady. Bul týraly búgin Astanada ótken baspasóz máslıhatynda Djıý-djıtsý jáne Aralas jekpe-jek aıqasy respýblıkalyq federatsııasynyń prezıdenti Alekseı Kım málim etti.
«24-25 tamyz kúnderi Astanada MMA boıynsha Birinishi el chempıonaty ótedi. Oǵan Qazastannyń barlyq óńirlerinen 120-ǵa tarta sportshy qatysady dep kútilýde. Birinshiliktiń qorytyndysy boıynsha MMA jáne djıý-djıtsý sportynan el quramasyna irikteý júrgiziledi», - dep atap ótti A.Kım.
«Bizdiń elimizde buǵan deıin kóbine-kóp klýbtyq jáne klýbaralyq deńgeıdegi jarystar ótip turatyn. Aǵymdaǵy jyldyń 26 maýsymynda Qazaqstanda MMA jáne djıý-djıtsý resmı túrde elimizdiń sport túrleriniń tizimine engizilip otyr. Endi budan bylaı týrnırlerde jeńip shyqqan chempıondardyń biliktiligi memleket deńgeıinde moıyndalyp, álemniń ataqty aıqas alańdaryna jol ashylatyn bolady», - deıdi A.Kım.
Onyń aıtýynsha, qazirgi ýaqytta álemdik arenada Qazaqstan namysyn qorǵaıtyn «Kazahkstan Top Team MMA» kásibı klýby qurylǵan. Olardyń qataryna elimizdiń eń myqty sportshylary alynatyn bolady.
