Astanada mınıstrlikterdi tsıfrlandyrýǵa arnalǵan forým ótýde
Eki paneldik sessııadan turatyn forýmnyń birinshi bólimi mınıstrlikterdi tsıfrlandyrýdyń aǵymdaǵy mindetteri men «Tsıfrlyq Qazaqstan» memlekettik baǵdarlamasy aıasyndaǵy jobalarǵa arnalýda. Ekinshi sessııada «Ashyq mıkrofon» atty ınteraktıvti suqbattasý, onyń barysynda ІT naryqqa qatysýshylar memlekettik organdar ókilderine suraqtaryn qoıyp, pikir almasyp jatyr.
Aıtýly sharada 4 mınıstrliktiń tsıfrlandyrý boıynsha jaýapty ókilderi, atap aıtqanda, Dınara Şeglova QR Aqparat jáne kommýnıkatsııalar vıtse-mınıstri, Arystan Qabıkenov QR Investıtsııalar jáne damý vıtse-mınıstri, Arman Evnıev QR Aýyl sharýashylyǵy vıtse-mınıstri jáne Marat Nurǵojın QR Qorǵanys jáne aeroǵarysh ónerkásibi vıtse-mınıstri IT-naryq ókilderimen ashyq dıalog júrgizip, bıznes qaýymdastyǵymen nátıjeli baılanys ortanýǵa daıyn ekendikterin bildirýde.
«Bizdiń mınıstrlik «Tsıfrlyq Qazaqstan» baǵdarlamasyn júzege asyrýshy memlekettik organdar men IT qaýymdastyǵy arasyndaǵy ıntegrator. Sondyqtan tsıfrlandyrýǵa qatysty sharalarǵa belsene qatysamyz jáne uıymdastyramyz. Odan bólek, búginde mınıstrlikte tsıfrlandyrý boıynsha jańa zań jobasyn ázirleýdemiz, ony 2019 jyldyń basynda depýtattar qaraýyna usyný josparda tur. Osy turǵyda ІT naryǵyndaǵy sarapshylardy birge jumys isteýge shaqyramyz. Búgingi forým sonyń bir kórinisi», - dedi QR Aqparat jáne kommýnıkatsııalar vıtse-mınıstri Dınara Şeglova.
Aıta keteıik, buǵan deıin QR Densaýlyq saqtaý mınıstrligi, QR Qarjy mınıstrligi, QR Eńbek jáne halyqty áleýmettik qorǵaý mınıstrligi, QR Bilim jáne ǵylym mınıstrliginiń vıtse-mınıstrleriniń qatysýymen «Digital Arena-1» forýmy ótken bolatyn. Onyń nátıjesinde atalǵan mınıstrlikterge 30-dan astam ІT kompanııa tsıfrlandyrýǵa qatysty máselelerin sheship berý boıynsha ótinim jasap, onyń úshten bir bóligi pılottyq jobalardy júzege asyrýdy qolǵa aldy.
