Astanada mınıstrlik qyzmetkerleri ózara sporttyq jarysta saıysýda
ASTANA. 27 qazan. QazAqparat - Búgin Astanada mınıstrlik pen vedomstvo qyzmetkerleri arasynda respýblıkalyq spartakıada bastaldy.
"Ortalyq memlekettik organdardyń qyzmetkerleri arasyndaǵy spartakıada jarysy jyl saıyn ótedi. Bıyl 20-dan astam organ ókilderi qatysýda. Bizdiń basty maqsatymyz - buqaralyq sportty tanymal etý jáne salaýatty ómir saltyn nasıhattaý", - deıdi QR Sport jáne dene shynyqtyrý agenttiginiń departament sarapshysy Meırambek Mahambetov.
Jarys shaǵyn fýtbol, qol kúresi, voleıbol, strıtbol, bılıard, shahmat sporttary boıynsha ótkizilýde. 28 qazan kúni támamdalatyn dodany ótkizý úshin "Astana-Arena" stadıony, "Saryarqa" velotregi jáne "Alaý" muz kesheni syndy elordanyń eń úzdik sport nysandary tartylǵan.
