Astanada mıkronesıe alýshylardyń sany artty
ASTANA. QazAqparat - «Eńbek» nátıjeli jumyspen qamtýdy jáne jappaı kásipkerlikti damytýdyń 2017 - 2021 jyldarǵa arnalǵan baǵdarlamasy iske asyrylǵaly Astanada shaǵyn kásipkerlikti mıkronesıeleýge 992 mln teńge bólindi, dep habarlaıdy QazAqparat.
Elorda ákimdiginiń resmı saıtynda málim etilgendeı, búgingi tańda jalpy 604,4 mln teńge somasyna 49 joba qarjylandyryldy. Onyń ishinde qyzmet kórsetý salasynda - 18, kólik salasynda - 2, saýda-sattyqta - 15, óndiriste - 5, qoǵamdyq tamaqtaný salasynda 5 jobaǵa qoldaý kórsetildi.
«2017 jyly mıkronesıeleý sheńberinde 465,0 mln teńge somasynda 38 jobaǵa qoldaý kórsetildi, onyń ishinde 22 joba bastaýysh kásipkerler, kepildik boıynsha 22 jobaǵa 149,4 mln teńge somasynda kepildik beriledi. 2018 jyly mıkronesıeleý sheńberinde 158,3 mln teńge somasynda 11 joba qoldaý kórdi, onyń 10 jobasy bastaýysh kásipkerler», - delingen Qalalyq ınvestıtsııa jáne kásipkerlikti damytý basqarmasynyń málimetinde.
Atap ótilgendeı, qazir ekinshi deńgeıli bankterdiń qaraýynda jalpy somasy 172,4 mln teńge bolatyn 12 joba jatyr. Sondaı-aq maquldaý jáne bekitý kezeńinde taǵy 10 joba (165, 5 mln teńge somasyna) bar.
2017 jyly jumyspen turaqty túrde qamtamasyz etý maqsatynda «Eńbek» nátıjeli jumyspen qamtýdy jáne jappaı kásipkerlikti damytýdyń 2017 - 2021 jyldarǵa arnalǵan jańa baǵdarlamasy qabyldanǵan bolatyn. Astana qalalyq ınvestıtsııa jáne kásipkerlikti damytý basqarmasynda ekinshi baǵyt iske asyrylýda - ol halyqty mıkronesıeleýge baǵyttalǵan, oqytýdan ótken jáne bastaýysh kásipkerlerge arnalǵan, jappaı kásipkerlikti damytý. Baǵdarlamanyń bir ǵana qatysýshysyna beriletin qarjylandyrýdyń maksımaldy lımıti 8 myń aılyq kórsetkish.
