Astanada mıdaǵy isikti alyp tastaý boıynsha kúrdeli operatsııa jasaldy
NUR-SULTAN. QazAqparat - Elordadaǵy Ulttyq neırohırýrgııa ortalyǵynda mıdaǵy isikti alyp tastaý boıynsha kúrdeli operatsııa jasaldy, dep habarlaıdy QazAqparat.
QR Densaýlyq saqtaý mınıstrliginen málim etkendeı, ota Aqtóbe qalasynyń 38 jastaǵy turǵynyna jasalǵan. Naýqas Ulttyq neırohırýrgııa ortalyǵynyń ortalyq júıke júıesi patologııasy bólimshesine júgingen. Ortalyqqa jatqyzylý kezinde er adamnyń basy qatty aýyryp, aınalǵan, este saqtaý qabileti buzylyp, jalpy álsizdik jaǵdaıynda bolǵan. Tekserýden keıin oǵan operatsııalyq emdeý usynyldy.
Nátıjesinde dárigerler mıdaǵy isikti alyp tastaý boıynsha biregeı operatsııa jasady.
«Sondaı-aq, operatsııa kezinde neıronavıgatsııa qoldanyldy, ol isiktiń shegi men ornalasýyn anyqtaıdy, sebebi isik pen mıdyń shekarasy árqashan anyq bola bermeıdi. Operatsııa sátti ótti. Patsıent ózin jaıly sezinýde jáne jaqyn arada shyǵarylýǵa daıyndalýda. Operatsııany 20 jyldan astam praktıkalyq tájirıbesi bar, óz salasynyń mamandary jasady, atap aıtsaq: neırohırýrg dáriger, Ortalyq júıke júıesi patologııasy bólimshesiniń meńgerýshisi, medıtsına ǵylymdarynyń kandıdaty - Nurjan Ámirbekuly Ryskeldıev jáne neırohırýrg dáriger Muratbek Ábdiǵalıuly Tileýbergenov.
Ulttyq neırohırýrgııa ortalyǵynda kún saıyn kúrdelilik deńgeıi ártúrli 20-25 operatsııa jasalady.
«Shyndyǵynda, bul operatsııalardyń barlyǵy biregeı jáne biz otandyq medıtsınadaǵy serpindi is-qımyldy maqtan tutýymyz qajet, sebebi endi bizge kórshiles elderden em alýǵa kelýde», - dedi vedomstvodan.
