Astanada Mı-17 tikushaǵynda qaza bolǵan ekıpaj múshelerimen qoshtasý sharasy ótti
ASTANA. 25 tamyz. QazAqparat - Búgin Astanadaǵy áskerı áýeaılaqta 22 tamyz kúni oqý-jattyǵý ushýlaryn oryndaý kezinde apatqa ushyraǵan Qazaqstan Respýblıkasy Qorǵanys mınıstrliginiń Mı-17 tikushaǵy ekıpajynyń múshelerimen qoshtasý rásimi bolyp ótti.
Ushqyshtardy barlyq áskerı qurmetpen - otshashýmen, qurmetti qaraýylmen, orkestrmen sońǵy saparǵa shyǵaryp saldy.
Qaza bolǵan ofıtserlermen qoshtasýǵa týǵan-týystary, Qazaqstan Qorǵanys mınıstrliginiń, QR QK Áýe qorǵanysy kúshteriniń basshylyq quramy, sondaı-aq qyzmettesteri, birge oqyǵan kýrstastary jáne avıabazanyń barlyq jeke quramy keldi.
Esteńizge sala keteıik, 2012 jylǵy 22 tamyzda tańǵy saǵat 8-der shamasynda Astana áýejaıynyń mańynda oqý-jattyǵý ushýlaryn oryndaý kezinde Qazaqstan Qorǵanys mınıstrliginiń Mı-17 tikushaǵy apatqa ushyrady. Saldarynan tórt adamnan turatyn ekıpaj qaza tapty.
