Astanada metrologııalyq uıymdar men Halyqaralyq ólshemder bıýrosy 34-shi otyrysyn bastady
ASTANA. QazAqparat - Búgin Astanada Óńirlik metrologııalyq uıymdardyń jáne Halyqaralyq ólshemder men tarazylar bıýrosynyń 34-shi otyrysy óz jumysyn bastady.
Uıymdastyrýshylardyń aıtýynsha, bul shara - ǵalamdyq ólshem júıesin quraıtyn jáne damytatyn álemdik metrologııalyq qoǵamdastyq ómirindegi mańyzdy oqıǵa. Osyndaı aýqymdaǵy jıyn Ortalyq Azııa óńirinde alǵash ret ótkizilýde. 34-shi otyrysqa 6 óńirlik metrologııa uıymdarynyń ókili bolyp tabylatyn álemniń 20-ǵa jýyq elderiniń ulttyq metrologııalyq ınstıtýttarynyń basshylary qatysýda.
Jıyn barysynda Halyqaralyq ólshemder men tarazylar bıýrosyna múshe elderdiń ólsheýish múmkindikterin moıyndaýdy qamtamasyz etýdiń biryńǵaı tetikterin belgileý, sondaı-aq Ulttyq metrologııa ınstıtýttary beretin memlekettik etalondaryn jáne kalıbrleý men ólshemder sertıfıkattaryn ózara taný týraly kelisimin qaıta qaraý máseleleri qaralýda.
Atap aıtqanda, búgingi shara elimizdiń saladaǵy qyzmeti jumystaryn halyqaralyq talaptarmen úılestirý, álemdik úzdik tájirıbeni engizý, sondaı-aq shetelden kelgen bilikti mamandarmen tájirıbe almasýǵa tıimdi múmkindikter bermek.
