Astanada metall qabyldaıtyn 14 oryn ıesi ákimshilik jaýapqa tartylmaq
NUR-SULTAN. QazAqparat – Elorda polıtseıleri metall qubyrlardy urlady degen kúdikpen er adamdy ustady. Qylmys týraly polıtsııaǵa urlanǵan qubyrlardyń ıesi habarlady.
Nur-Sultan qalalyq Polıtsııa departamenti baspasóz qyzmetiniń habarlaýynsha, jalpy quny 50 myń teńgeni quraıtyn qubyrlar birneshe otbasy turatyn jekemenshik turǵyn úıdiń aýlasynda turǵan. Urlyq úı ıesi joq kezde jasalǵan.
Tártip saqshylary jedel-izdeý sharalaryn ótkizý barysynda urlyq jasady degen kúdikpen er adamdy anyqtap, ustady. Ol úı ıesiniń kórshisi bolyp shyqty. 28 jastaǵy er adam urlanǵan qubyrlardy metall synyǵyn qabyldaý ornyna tapsyrǵanyn moıyndady.
Atalǵan fakti boıynsha sot aldyndaǵy tergeý amaldary júrgizilýde, er adamnyń buǵan deıin elorda aýmaǵynda osyǵan uqsas qylmystarǵa qatystylyǵy anyqtalýda.
Eske sala ketsek, elorda aýmaǵynda kabelder, lıýkter jáne quramynda metall bar basqa da buıymdar urlyǵynyń aldyn alý jáne ashý tıimdiligin arttyrý maqsatynda jedel-aldyn alý sharasy ótkizildi.
Іs-shara barysynda metall qabyldaıtyn 206 pýnkt tekserilip, 14 pýnkt ıesine qatysty QR Qylmystyq quqyqbuzýshylyqtar týraly kodekstiń 463-baby («Tıisti tirkeýsiz kásipkerlik nemese ózge de qyzmet túrimen aınalysý») boıynsha ákimshilik óndiris qozǵaldy. Bir tonnadan astam metall tárkilendi.
Atalǵan oryndardyń ıelerine túsindirý jumystary júrgizildi. Budan basqa, metall qabyldaý oryndary ókilderine urlanǵan múlikti satyp almaý kerektigi eskertildi.
