Astanada meshitte telefon urlaǵan kúdikti ustaldy
ASTANA. KAZINFORM — Astanada meshitte telefondy qoldy qylǵan er adam anyqtaldy. Bul týraly Polisia.kz jazdy.
Astana qalasynda polıtsııa qyzmetkerleri meshit aýmaǵynda telefon urlady degen kúdikpen 36 jastaǵy er adamdy anyqtap, ustady. Aldyn ala málimetter boıynsha, kúdikti meshitte túnep júrgen.
— Sol sátte kelýshilerdiń biri namaz oqyp jatqanyn paıdalanyp, edende ózine jaqyn jerde turǵan barsetkanyń ishinen iPhone 13 telefonyn jasyryn túrde urlap ketken. Urlyq jasaǵannan keıin ol oqıǵa ornynan boı tasalaǵan. Beınebaqylaý kameralarynyń kómegimen kúdiktiniń jeke basy anyqtaldy, — delingen habarlamada.
Jedel-izdestirý is-sharalary barysynda ol elorda kósheleriniń birinde ustaldy. Urlanǵan telefon tárkilenip, zańdy ıesine qaıtaryldy.
Atalǵan fakti boıynsha sotqa deıingi tergeý júrgizilýde. Polıtsııa azamattarǵa jeke múliktiń saqtalýyna muqııat qaraýdy jáne qoǵamdyq oryndarda da baǵaly zattardy qaraýsyz qaldyrmaýdy eskertedi.
Aıta keteıik, Almatyda 50-ge jýyq urlyq jasaǵan alty qylmystyq top ustaldy.
