Astanada «Mereıli otbasy» konkýrsyna qatysýǵa 94 ótinim kelip tústi
30 sáýirde eńbek, sport, shyǵarmashylyq, ıntellektýaldyq jáne ǵylym salalarynda joǵary jetistikterge qol jetkizgen otbasylar arasyndaǵy konkýrsqa qatysýǵa ótinimder qabyldaý aıaqtaldy. Qala turǵyndary bir aı boıy konkýrsqa qatysýǵa ótinimderdi jazbasha túrde tıisti qujattarmen birge arnaıy nysan boıynsha aýdandyq ákimdikterdiń ishki saıasat bólimderi men Astana qalasynyń Іshki saıasat basqarmasyna tapsyrdy.
2014 jyly konkýrsqa qatysýǵa 44 ótinim, ótken jyly 51 ótinim kelip túsken.
Ótinimderdi qaraý barysynda komıssııa ókilderi otbasy músheleriniń jetistikteriniń mańyzdylyǵy men sanyna, otbasylyq dástúrler men jádigerlerge, rýhanı-adamgershilik qundylaqtarǵa, arǵy tekterin bilýine jáne t.b. nazar aýdaratyn bolady.
«Mereıli otbasy» ulttyq konkýrsy 3 kezeńmen ótedi: birinshi kezeń - aýdandyq (qalalyq); ekinshi kezeń - oblystyq; úshinshi kezeń - respýblıkalyq.
