Astanada merekelik otshashý ótti
ASTANA. KAZINFORM – Respýblıka kúnine oraı, Astanada demeýshilerdiń qoldaýymen merekelik otshashý uıymdastyryldy, dep habarlaıdy Kazinform agenttiginiń tilshisi.
Aýqymdy feıerverk saǵat 21:00-de elordanyń Trıatlon parki aýmaǵynda atyldy.
Eske salaıyq, búgin – Respýblıka kúni. Táýelsizdiktiń alǵashqy bastaýy sanalatyn bul mereke ondaǵan jyldan keıin qaıta jańǵyryp, elimizdiń jalǵyz ulttyq merekesi retinde atalyp ótýde.
Aıtýly kúnniń qurmetine Astanada 100-den astam mádenı-buqaralyq, bilim berý, sporttyq jáne áleýmettik is-shara ótkiziledi.
Aıta keteıik, Qazaqstan aýmaǵynda ataýynda «Respýblıka» sózi bar 29 zańdy tulǵa tirkelgen. Olardyń arasynda partııa, kofehana, qoǵamdyq qor bar.
