Astanada merekelik aýyl sharýashylyǵy jármeńkesi ótedi
ASTANA. KAZINFORM — Qazaqstan halqynyń birligi kúnine oraı 1, 2 jáne 3 mamyr kúnderi elordada merekelik aýyl sharýashylyǵy jármeńkesi ótedi. Bul týraly qala ákimdiginiń resmı saıty jazdy.
— Jármeńkede jergilikti fermerler men Qazaqstannyń túrli óńirlerinen kelgen óndirýshilerdiń ónimderi usynylady. Qala turǵyndary men qonaqtary kókónister men jemis-jıdekterdi, et, un jáne sút ónimderin, nan-toqashtardy, tabıǵı shyryndardy, tosaptar men t. b. taýarlardy satyp ala alady, — delingen habarlamada.
Іs-shara 1, 2 jáne 3 mamyr kúnderi saǵat 10:00–den 19:00–ge deıin Keryen Joly saýda ortalyǵynda ótedi.
Jármeńkege kelýshilerdiń yńǵaıy úshin jármeńke ótetin orynǵa № 7, 11, 39, 41, 45, 53, 59, 81, 307 jáne 317 baǵyttaǵy avtobýstar qatynaıdy.
Elordada kezekti qalalyq aýyl sharýashylyǵy jármeńkesi 25 jáne 26 sáýir kúnderi ótken bolatyn.
