Astanada merekelik demalys kúnderi qaıda barýǵa bolady
ASTANA. QazAqparat - Astanada 29 sáýirden 1 mamyrǵa deıin Qazaqstan halyqtarynyń birligi kúnine arnalǵan túrli mádenı is-sharalar ótedi. Bul týraly QazAqparat tilshisi Astana qalalyq mádenıet jáne sport basqarmasyna silteme jasap habarlaıdy.
29 sáýirde Q. Qýanyshbaev atyndaǵy Memlekettik akademııalyq qazaq mýzykalyq drama teatrynda Ý. Shekspırdiń «Otello» tragedııasy qoıylady. Bastalýy 19:00-de.
9:00-de «Jastar» saraıynda «Kóktem otshashýy» atty IV Halyqaralyq kóp janrly balalar shyǵarmashylyǵy baıqaý-festıvali bolady.
11:00, 16:00-de M. Gorkıı atyndaǵy Memlekettik akademııalyq orys drama teatrynda balalarǵa V. Tregýbenkonyń «Domık dlıa tsarıa zvereı» ertegisi qoıylsa, 18:00-de R. Kýnıdiń «Smeshnye dengı» komedııalyq qoıylymy ótedi.
19:00-de «Jastar» teatrynda N. Gogoldiń «Revızor» komedııalyq spektakli jurtshylyq nazaryna usynylady.
29-30 sáýirde «Qazaqstan» sport saraıynda kóshe fýtbolynyń «5h5 - Red Bull Neymar Jr's five» Qazaqstannyń irikteý chempıonaty ótedi. Bastalýy 9:00-de.
30 sáýir - 1 mamyrda «Jastar» saraıynda «Sálem, Astana!» balalar respýblıkalyq festıval-konkýrsy ótedi. Bastalýy 9:00-de.
30 sáýir - 1 mamyrda qala turǵyndary men qonaqtary Táýelsizdik saraıynda qoldanbaly óner kórmesi «Uly dala murasy», «Qazaqstandyq sýretshilerdiń shyǵarmalary» atty kórmesi, «Meıirim úshin alǵys» fotokórme, «Gúldiń nári» kórmesi, Oqýshylar saraıymen birlesken «Meniń ńurly álemim» qolóner kórmesi, Astana qalasy jastar birlestigimen birge uıymdastyrylǵan kórkem kórmesi, Qazaq Ulttyq óner ýnıversıtetimen birlesken qoldanbaly óner kórmesi, Sýretshi Ómirbek Tileýlıevtiń jeke kórkem kórmesin tamashalaı alady.
30 sáýirde Elordalyq tsırkte 16:00-de «Latyn Amerıkasynyń magııasy» qoıylymy ótedi.
19:00-de «Astana» kontsert zalynda Qazaqstan halyqtarynyń birligi kúnine arnalǵan «Álem halyqtary áýeni» kontsert bolady.
1 mamyrda 11:00-de M. Gorkıı atyndaǵy Memlekettik akademııalyq orys drama teatrynda balalarǵa arnalyp V. Orlovtyń «Zolotoı tsyplenok» ertegisi usynylady.
12:00-de «Qazaq eli» alańynda Túrik Horynyń merekelik kontserti ótedi.
13:00-de «Báıterek» monýmenti alańynda «Rýhanı jańǵyrý» baǵdarlamasy aıasynda Qazaqstan halyqtarynyń birligi kúnine oraı jappaı velojarys ótedi.
15:00-de «Báıterek» alańynda 50 dombyrashy qatysatyn «Uly dala úni» fleshmoby uıymdastyrylady.
18:00-de «Qazaqstan» kontsert zalynda «Baýyrjan fest» ІІ halyqaralyq ázil-ospaq festıvali bolady.
19:00-de Q. Qýanyshbaev atyndaǵy Memlekettik akademııalyq qazaq mýzykalyq drama teatrynda V.Omarovtyń «Qyzyl alma» komedııalyq spektakli ótedi.
Dál osy ýaqytta Beıbitshilik jáne kelisim saraıynda «Altyn batyr» step-tobynyń kontserti bolady.
