Astanada mereke kezinde kóshedegi satýshylar biryńǵaı formaǵa kóshedi

ASTANA. QazAqparat - Investıtsııalar jáne kásipkerlikti damytý basqarmasynyń bastamasymen Astananyń 20 jyldyǵyn toılaý kezinde kóshpeli merekelik saýda nysandarynyń satýshylary biryńǵaı kıim úlgisine kóshti, dep habarlaıdy QazAqparat qala ákimdiginiń saıtyna silteme jasap.

Bul satyp alýshylarǵa zańdy nemese zańsyz saýdamen aınalysyp jatqan saýdagerlerdi ajyratýǵa, sondaı-aq kıim túsine baılanysty kásipkerlerdiń qandaı qyzmet túrin kórsetip turǵanyn ajyratýǵa múmkindik beredi.

Mysaly, aspazdyq ónimderdi saýdalaıtyn satýshylar aq tústi formamen shyǵady, kofe satatyndar - qońyr, al balmuzdaq saýdasyndaǵylar kók tústi kıim úlgisin kıedi. 

Ótken jyldan beri «1000 oryn - kóshe saýdasy» baǵdarlamasyna qatysýshylar biryńǵaı kıim úlgisine kóshken, osy jyly aımaqtyq aýylsharýashylyq jármeńkesine kelýshiler de biryńǵaı kıim úlgisine kóshedi.